Linden Akademie: ‘n trotse lid van Die MOS Inisiatief se netwerk van skole.
By Die MOS Inisiatief streef ons daarna om uitsonderlike opvoedkundige geleenthede te bied wat elke kind se volle potensiaal ontsluit. Ons is toegewyd aan die bevordering van ‘n liefde vir leer deur ‘n veilige, ondersteunende en stimulerende omgewing te skep.
Ons skole, insluitend Linden Akademie, deel ‘n gesamentlike visie van akademiese uitnemendheid, karakterontwikkeling en gemeenskapsbetrokkenheid.
Sluit aan by ons in hierdie opwindende reis en ontdek hoe ons elke leerder toerus om sukses te behaal.
Skole in Die MOS Inisiatief netwerk
Kabouterbos
371 Murray St, Brooklyn, Pretoria, 0145
Kabouterbos in Brooklyn, Pretoria, is ‘n Christelik-gesentreerde kleuterskool wat ‘n liefdevolle tweede tuiste skep vir kinders vanaf 3 maande tot Graad RR. Ons is opgewonde om die pad saam met julle as gesin te begin en bied persoonlike aandag, kwaliteit Christelike onderrig, en uitgebreide Graad R voorbereiding. Met ons toegewyde personeel en gebalanseerde program wat die AONetwerk kurrikulum volg, verseker ons dat elke kind gereed is vir hul volgende mylpaal terwyl hulle in ‘n veilige, nurturing omgewing floreer.
Emmanuel Kindersentum
Kenmarstraat 517, Constantiapark, Pretoria, 0181
By Emmanuel Kindersentrum is ons nie net ‘n dagsorg of ‘n naskool nie; ons is ‘n gemeenskap waar jou kind veilig, geliefd en aangemoedig sal voel om hul potensiaal te verken.
Knikkievallei
Emdonstraat 9, Kenmare, Krugersdorp
Knikkievallei verwelkom kinders vanaf die ouderdom van vier maande tot vyf jaar (graad RR). Knikkievallei is tot die behoud van hul kultuur, met ‘n fokus op Afrikaans en Christelike waardes, verbind. Die skool strewe daarna om kinders te leer om met respek op te tree.
Kosmos Akademie
Erf 12439, 374 JS Keerom, Glen Cullen Privaat Landgoed, Middelburg, Ex 39, Mpumalanga, 1050
Kosmos Akademie, die nuutste toevoeging tot Mpumalanga se onderwyslandskap, beloof om ‘n baken van Afrikaanse onderwys te wees. Ons skool is gebou op die grondslag van akademiese uitnemendheid en die algehele ontwikkeling van elke leerder, gereed om die toekoms met selfvertroue aan te pak.
Abra-Kedabra créche
58 Malibu Str, Oakglen, Kaapstad, 7530
Vir meer as 34 jaar bied Abra-Kedabra Crèche gehalte sorg en opvoeding vir kinders van 3 maande tot 6 jaar oud. Ons gekwalifiseerde opvoeders het jare se ondervinding en skep ‘n omgewing waar elke kind kan floreer.
Hartland Akademie
Hartland Lifestyle Estate, Hartenbos, Hartland, 6520
Hartland Akademie is ‘n voorskool en laerskool en ons beplan om in 2026 te open met graad RRRR (2-jariges) tot graad 3 en organies te groei tot graad 7 in jare wat volg.
Die Rots
Linden
‘n Nuwe manier van onderrig. Hier voel ‘n leerder hy/sy word gehoor vir die manier waarop hy/sy leer. Ons is sensitief vir verskillende leerstyle. Ons weet alle kinders is slim, maar net verskillend slim!
Vuurvliegie Akademie
Goodrick Str, Beaufort Wes, 6970
Vuurvliegie Akademie bied hoë kwaliteit onderrig met ‘n kreatiewe aanslag aan. Ons kinders word individueel benader. Dit is vir ons belangrik om elkeen se interne begeerte om te leer aan te wakker, sodat hulle in `n onseker toekoms sal floreer.
Karos Akademie
Beaufort-Wes
‘n Droom om Karoo-kinders die kwaliteit onderrig te bied wat kinders in die groot stede geniet – uit die gerief en sekuriteit van hul ouerhuis.
Kleinhoewe Kleuterskool
Proteapark, Rustenburg
Welkom by Kleinhoewe Kleuterskool – die plaasskool in die stadsgewoel waar jou kind in vars lug deur ons leer-deur-speel-kultuur sal floreer! Goeie waardes is vir ons net so belangrik as vir ons ouers en daarom is Kleinhoewe ‘n verlenging van die ouerhuis waar elke kind met liefde, deernis en begrip versorg word.
Knikkie Knakkie
Wonderboom, Pretoria
Ons is lief vir en passievol oor kinders en skep `n kindgerigte omgewing van hoë kwaliteit waar kinders veilig is, geborge voel en hulself gate uit geniet.
MOS-Wêreldwyd
Aanlyn-Tuisskooldiens
Ons wêreldklas-onderrig help jou kind om te floreer. Die bekostigbare aanlyn tuisskooldiens wat jou kind vir die toekoms toerus.
Futurum Akademie
Jan Kempdorp/Vaalharts
Futurum Akademie het sy deure amptelik in Januarie 2017 oopgemaak. Grade strek van Gr.R tot Gr 12.