Elke ouer ken daardie gevoel: jy sit uiteindelik op die bank met ’n koppie koffie… en net toe jy ontspan, hoor jy: “Mammaaaa!” Kinders mag klein wees, maar hulle uithouvermoë is soms langer as ons s’n! Daarom is slaap só belangrik vir hul ontwikkeling — én vir Mamma en Pappa se oorlewing.
Volgens die World Health Organization (WHO), die American Academy of Pediatrics (AAP) en die Sleep Foundation speel voldoende slaap ’n groot rol in kinders se groei, emosionele ontwikkeling en leervermoë.
Hier is ’n goeie riglyn vir hoeveel slaap kinders nodig het:
- 0–3 maande: 14–17 uur per dag
- 4–6 maande: 12–16 uur per dag
- 7–9 maande: 12–15 uur per dag
- 10–12 maande: 12–15 uur per dag
- 1–2 jaar: 11–14 uur per dag
- 3–5 jaar: 10–13 uur per dag
Teen 7–9 maande begin babas gelukkig ’n meer vaste slaaproetine kry.
’n Paar wenke vir beter slaap:
- Hou by ’n rustige slaaproetine — bad, bottel en storietyd werk goed.
- Maak seker die kamer is donker, stil en koel.
- Vermy wilde spel en skermtyd net voor slaaptyd.
Onthou: slaap is nie net belangrik vir kinders nie. ’n Goed uitgeruste kleintjie beteken gewoonlik ook ’n rustiger huis.
